फेसबुक आणि ट्विटर लाइव्हद्वारे महाराष्ट्रातील जनतेशी संवाद साधताना मुख्यमंत्री म्हणाले की, महाराष्ट्रात जीवनावश्यक वस्तुंचा अजिबात तुटवडा नाही. तुमच्या सोयीसाठी आपण चोवीस तास जीवनावश्यक वस्तूंची दुकाने उघडी ठेवली आहेत. परंतु जीवनावश्यक वस्तूंच्या दुकानातील गर्दी कमी झाली नाही तर काही कठोर निर्णय घ्यावे लागतील. या लढाईत पुढची पावले उचलावी लागली तर तीही उचलू. बाहेरची लढाई लढण्यासाठी तुमचे सरकार भक्कम आहे. तुम्ही घरातच रहा, बाहेर पडू नका, असे ठाकरे म्हणाले.
गेले आठ दिव तुम्ही संयम दाखवला. पण अजूनही काही लोक अनावश्यक बाहेर पडत आहेत. मग पोलिसांशी कुठे तरी हुज्जत होते. पोलिस सर्व भार स्वतःवरती घेत आहेत. तुम्ही संयमाचे अतुल्य दर्शन घडवत आहातच. पण काही वस्त्यांमध्ये वर्दळ होत आहे. ती कमी करा. ही आणीबाणी आहे. सरकारला कठोर निर्णय घ्यायला लावू नका, असे ठाकरे म्हणाले.
No comments:
Post a Comment