“डॉक्टर्स डे” निमित्त जिल्हाधिकारी कार्यालयात रक्तदान शिबिराचे आयोजन रक्तदानात सहभागी होण्याचे जिल्हाधिकाऱ्यांनी केले आवाहन

नांदेड दि. 30 :- जिल्ह्यात 1 जुलै हा दिवस “डॉक्टर्स डे” म्हणून साजरा करण्यात येणार आहे. यानिमित्ताने 1 जुलै रोजी जिल्हाधिकारी कार्यालयाच्या परिसरातील बचत भवन येथे सकाळी 11 वा. रक्तदान शिबिराचे आयोजन करण्यात आले. या शिबिरात 300 रक्तदाते उत्स्फुर्त रक्तदान करतील अशी अपेक्षा ठेवण्यात आली आहे. जिल्ह्यातील सर्व विभाग व कार्यालय प्रमुख, अधिकारी, कर्मचाऱ्यांनी सहभाग घेऊन रक्तदान करावे, असे आवाहन जिल्हाधिकारी डॉ. विपीन इटनकर यांनी केले आहे.