किनवटमध्ये 6 बाधितांची भर, आजच्या बाधितांत 3 वर्षाची मुलगी व 6 वर्षाच्या मुलाचा समावेश

किनवट, दि.७ : किनवटमध्ये शुक्रवारी (दि. सात) दुपारी दोन वाजता प्राप्त माहिती नुसार आरटीपीसीआर टेस्ट पद्धतीद्वारे केलेल्या तपासणीत 6 अहवाल पॉझिटिव्ह आले आहेत. यात 3 वर्षाची 1 मुलगी व 6 वर्षाच्या एका मुलाचा समावेश आहे . आता  बाधित रूग्णांची आजपर्यंतची एकूण संख्या  48 झाली आहे. कोरोनातून बरे झाल्याने सुटी होऊन घरी गेलेले आजपर्यंतचे एकूण 7 जण आहेत. बाधितांपैकी संदर्भित 3 व येथील कोविड केअर सेंटरमध्ये 35 असे एकूण 38 रुग्ण उपचार घेत आहेत.
               शुक्रवारी (दि. सात) दुपारी दोन वाजता आरटीपीसीआर पद्धतीद्वारे केलेल्या तपासणी अहवालात किनवटच्या एस .व्ही.एम. कॉलनीतील 3 वर्षाची 1 मुलगी, 6 वर्षाचा 1 मुलगा, 50 वर्षाची एक, 30 वर्षाची एक महिला व 59 वर्षाचा 1 पुरुष आणि राजगड तांडा येथील 38 वर्षाच्या 1 पुरुषाचा अशा 6 जणांचा अहवाल पॉझिटिव्ह आढळला आहे.
                डेडिकेटेड कोविड हेल्थ केअर सेंटर, उपजिल्हा रुग्णालय, गोकुंदा येथे 15 ( आरटीपीसीआर 8 + रॅपिड 7 ), कोविड केअर सेंटर, किनवट येथे 20 ( आरटीपीसीआर 12 + रॅपिड 8 ) व पूर्वीच संदर्भित 3 अशा एकूण 38 रुग्णांवर औषधोपचार सुरू असून त्यांची प्रकृती स्थिर आहे. जनतेंनी घाबरू नये, शासनाच्या व आरोग्य विभागाच्या सूचना पाळाव्या, असे आवाहन वैद्यकीय अधिक्षक डॉ. उत्तम धुमाळे व तालुका आरोग्य अधिकारी डॉ. संजय मुरमुरे यांनी केले आहे.

किनवट तालुक्याची कोरोना विषयी संक्षिप्त माहिती पुढील प्रमाणे
दि. 07/08/2020  दुपारी 02.00 वाजता

आरटीपीसीआर टेस्ट
घेतलेले एकूण स्वॅब- 263,
निगेटिव्ह स्वॅब- 181,
आज आरटीपीसीआर स्वॅब पॉझिटिव्ह  संख्या- 6
स्वॅब तपासणी अनिर्णीत संख्या-13
स्वॅब नाकारण्यात आलेली संख्या- 7,

ऍन्टिजेन टेस्ट
अॅन्टिजन टेस्ट - 0
 निगेटिव्ह अहवाल - 0
आज रोजी पॉझिटीव्ह अहवाल - 0

आज रोजी एकुण पॉझिटीव्ह रुग्ण - 6
आज मृत्यू - 0
आतापर्यंतची एकूण मृत्यू संख्या- 1,
आतापर्यंतचे एकुण बाधित व्यक्ती- 48,
रुग्णालयातून सुट्टी दिलेली एकूण संख्या- 7,
रुग्णालयात उपचार घेत असलेले बाधित व्यक्ती- 35 + संदर्भित रुग्ण 3