नवी दिल्ली दि. 18 : राज्यपाल भगतसिंह कोश्यारी यांनी आज देशाचे माजी पंतप्रधान स्व. राजीव गांधी यांना त्यांच्या जन्मदिनी आदरांजली वाहिली व उपस्थितांना सद्भावना दिनाची शपथही दिली.
येथील कस्तुरबा गांधी मार्ग स्थित महाराष्ट्र सदनाच्या सभागृहात देशाचे माजी पंतप्रधान स्व. राजीव गांधी यांच्या जयंतीचे आयोजन करण्यात आले. या कार्यक्रमास उपस्थित राहून राज्यपालांनी स्व.राजीव गांधी यांच्या प्रतिमेस पुष्पहार अर्पण करत आदरांजली वाहिली. यावेळी उपस्थित सचिव तथा महाराष्ट्र सदनाच्या प्रभारी निवासी आयुक्त डॉ. निधी पांडे, अपर निवासी आयुक्त डॉ. निरुपमा डांगे यांच्यासह महाराष्ट्र सदन आणि महाराष्ट्र परिचय केंद्राच्या अधिकारी-कर्मचाऱ्यांना राज्यपालांनी सद्भावना दिनाची शपथ दिली.
महाराष्ट्र परिचय केंद्रात सद्भावना दिन साजरा
महाराष्ट्र परिचय केंद्रात सद्भावना दिन साजरा करण्यात आला. परिचय केंद्राच्या प्रभारी उपसंचालक अमरज्योत कौर अरोरा यांनी यावेळी स्व. राजीव गांधी यांना अभिवादन केले. उपस्थित अधिकारी व कर्मचा-यांना सद्भावना दिनाची शपथ दिली. यावेळी उपस्थित कर्मचाऱ्यांनीही स्व. राजीव गांधी यांना आदरांजली वाहिली.
No comments:
Post a Comment