छत्रपती संभाजीनगर येथील युवकाने लोकशाहीर अण्णाभाऊ साठे यांच्या जयंती निमित्ताने काव्यवाचन स्पर्धेत पटकावले प्रथम पारितोषिक

मुंबई :

मुंबईतील प्रतिष्ठित 'टाटा इन्स्टिट्यूट ऑफ सोशल सायन्सेस' (TISS) येथे 17 सप्टेंबर 2024 रोजी लोकशाहीर अण्णाभाऊ साठे यांच्या 104व्या जयंतीनिमित्त काव्यवाचन स्पर्धेचे आयोजन करण्यात आले. या स्पर्धेमध्ये छत्रपती संभाजीनगर येथील अशोक बनकर, जो मीडिया अँड कल्चरल स्टडी विषयात पदवीचे शिक्षण घेत आहे, त्याने प्रथम पारितोषिक पटकावले.

या कार्यक्रमात अनेक नामवंत विद्यार्थ्यांनी सहभाग घेतला होता. परंतु अशोक बनकर याने सादर केलेल्या सशक्त काव्याने प्रेक्षकांचे तसेच परीक्षकांचे मन जिंकले. त्याच्या काव्य सादरीकरणात सामाजिक संदेश आणि संवेदनशीलता ठळकपणे दिसून आली, ज्यामुळे त्याला प्रथम क्रमांक मिळाला.

स्पर्धेचे आयोजन TISS च्या एस.पारसुरामन हॉलमध्ये करण्यात आले होते, ज्यामध्ये विद्यार्थ्यांनी आपल्या वक्तृत्वाच्या माध्यमातून लोकशाहीर अण्णाभाऊ साठे यांच्या विचारांचे स्मरण केले.