वर्तमान स्थितीत भारतासह आंतरराष्ट्रीय स्तरावरील 'कोरोना' विषाणू चा उद्रेक पाहता या विषाणूच्या प्रकोपात लक्षणीय वाढ होण्याची चिन्हे दिसत आहेत. यावर तात्काळ नियंत्रण करण्यासाठी व विषाणूंची वाढ थांबविण्यासाठी शासन व प्रशासन स्तरावर युध्दपातळीवर प्रयत्न सुरू आहेत. आदिवासी बहूल किनवट व माहूर तालुक्यातील जनतेला यासंबंधातील संसर्ग परिस्थितीत येथील रूग्णालयात पुरेशा वैद्यकीय सुविधा उपलब्ध व्हाव्यात यासाठी किनवट व माहूर येथील दोन्ही ठिकाणच्या ग्रामीण रूग्णालयातील यंत्रसामग्री व साहीत्य खरेदीसाठी प्रत्येकी २० लक्ष या प्रमाणे ४० लक्ष रूपयांचा निधी तात्काळ मंजूर करावा, अशी मागणी आमदार भीमराव केराम यांनी जिल्हाधिकारी नांदेड यांना लेखी पत्राद्वारे केली आहे.
No comments:
Post a Comment