बुद्धप्रिय कबीर यांनी आंबेडकरी चळवळीत स्वतःचे जीवन झोकून देऊन काम काम केले. एक सच्चा आणि हाडाचा कार्यकर्ता म्हणून बुद्धप्रिय कबीर यांची ओळख होती. पायाला भिंगरी बांधल्यागत ते परिवर्तनवादी चळवळीसाठी आयुष्यातील शेवटच्या क्षणापर्यंत झटत राहिले. दिलदार मनाचा सच्चा मित्र अशीही त्यांची ख्याती होती. गेल्या अनेक दिवसांपासून ते आजारी होते. विद्यार्थीदशेपासूनच आक्रमक कार्यकर्ते असलेले बुद्धप्रिय कबीर हे डॉ. बाबासाहेब आंबेडकर पदव्युत्तर व संशोधन विद्यार्थी संघटनेचे संस्थापक सदस्य होते. बुध्दप्रिय कबीर यांनी आयुष्यभर अविवाहित राहून आंबेडकरी चळवळ, वंचित समाजासाठी जीवन समर्पित केले. त्यांच्या पश्चात आई, आजी, बहिण, वहिणी व शेकडो सहकारी असा परिवार आहे. आज सायंकाळी त्यांच्या पार्थिवावर अंत्यसंस्कार करण्यात आले.
No comments:
Post a Comment