नांदेड प्रतिनिधी 14:
राष्ट्रवादी विद्यार्थी काँग्रेस नांदेड च्या वतीने आजपासूनकोविड विद्यार्थी-पालक अभियान सुरू करण्यात येत आहे. या अभियानाच्या माध्यमातून ज्या विद्यार्थ्यांचे पालक कोरोना विषाणू ला बळी पडले आणि दुर्दैवाने त्यांना या जगाचा निरोप घ्यावा लागला अशा पालकांच्या पाल्यांच्या शिक्षणाच्या एकूण खर्चाच्या काही खर्चाची जबाबदारी समाजातील दानशूर व्यक्तींनी घ्यावी असे आवाहन राष्ट्रवादी विद्यार्थी प्रदेश अध्यक्ष सुनिल गव्हाणे, मराठवाडा अध्यक्ष प्रशांत कदम, नांदेड शहर जिल्हाध्यक्ष कन्हैया कदम यांनी अभियानाच्या माध्यमातून केले.
राष्ट्रवादी काँग्रेस पक्षाचा कार्यकर्ता या नात्याने आम्ही सर्वांनी समाजातील दानशूर व्यक्ती आणि विद्यार्थी यांच्या मधील दुवा होनाचे काम करत आहोत. कोविड विषाणूमुळे ज्या विद्यार्थ्यांचे पालक हे जग सोडून गेले त्या आपल्या विद्यार्थी मित्रांवर आज दुःखाचा डोंगर कोसळला आहे. त्यांना मदतीचा हात आपण द्यायला हवा हि सामाजिक जबाबदारी समजून घेत या अभियानात सामील होत जास्तीत जास्त विद्यार्थी आणि समाजातील दानशूर व्यक्ती यांच्यातील दुवा होण्याचं काम राष्ट्रवादी विद्यार्थी काँग्रेस च्या माध्यमातून आम्ही करत आहोत.कोणताही विद्यार्थी हा शिक्षणापासून वंचित राहू नये या अभियानातून आम्ही जास्तीत जास्त विद्यार्थ्यांना मदत करण्याचे ठरवले आहे. गरजू विद्यार्थी व दानशूर व्यक्तींनी मो.नं.8698282647 व मो.नं.8379864051 या नंबर वर संपर्क साधावा अशी माहीती राष्ट्रवादी विद्यार्थी काॅग्रेसचे शहर जिल्हाध्यक्ष कन्हैया कदम यांनी दिली.
No comments:
Post a Comment