किनवटचे आदिवासी संशोधन केंद्र बनणार सामाजिक परिवर्तनाचे व्यासपीठ; डॉ. नितीन गायकवाड यांनी स्वीकारला समन्वयक पदाचा पदभार
किनवट : येथील स्वामी रामानंद तीर्थ मराठवाडा विद्यापीठ, नांदेड उप केंद्र असलेल्या के. उत्तमराव राठोड आदिवासी विकास व संशोधन केंद्राच्या समन्वयक पदाचा पदभार डॉ. नितीन गायकवाड यांनी स्वीकारला आहे. पदभार स्वीकारल्यानंतर उपस्थितांना संबोधित करताना त्यांनी केंद्राला केवळ प्रशासकीय केंद्र न ठेवता, आदिवासी समाजाच्या सर्वांगीण विकासासाठी आणि संशोधनासाठी एक प्रभावी व्यासपीठ बनवण्याचा निर्धार व्यक्त केला.
विद्यापीठाचे कुलगुरू डॉ. मनोहर चासकर यांनी सोपवलेली ही जबाबदारी सार्थ ठरवू, असा विश्वास डॉ. गायकवाड यांनी दिला. केंद्राचे मावळते समन्वयक डॉ. मार्तंड कुलकर्णी यांच्या हस्ते त्यांनी ही सूत्रे स्वीकारली.
पुढील कार्याची 'त्रिसूत्री'
डॉ. नितीन गायकवाड यांनी केंद्राच्या भावी कार्यासाठी तीन प्रमुख उद्दिष्टे स्पष्ट केली:
विद्यार्थी विकास: विद्यार्थ्यांच्या शैक्षणिक व संशोधन क्षमतांना राष्ट्रीय स्तरावर नेणे.
सांस्कृतिक संवर्धन: स्थानिक ज्ञान आणि लोकसंस्कृतीचे जतन करणे.
कौशल्य विकास: रोजगाराभिमुख उपक्रमांची प्रभावी अंमलबजावणी करणे.
मान्यवरांची उपस्थिती
हा सोहळा प्र-कुलगुरू डॉ. अशोक महाजन आणि कुलसचिव डॉ. डी. डी. पवार यांच्या मार्गदर्शनाखाली पार पडला. कार्यक्रमाची प्रस्ताविका डॉ. योगेश आंबुलगेकर यांनी केली. यावेळी व्यासपीठावर सह-समन्वयक डॉ. सुनील व्यवहारे, डॉ. शिंदे, सामाजिक कार्यकर्ते विनायक गव्हाणे, विधी तज्ज्ञ अॅड. सुनील येरेकर, यांच्यासह डॉ. प्रमोद राठोड, प्रा.प्रीती देशथले व कर्मचारी मोठ्या संख्येने उपस्थित होते.
कार्यक्रमाचे सूत्रसंचालन प्रा. श्रेयश पवार यांनी केले, तर उपस्थितांचे आभार प्रा. चेतन जाधव यांनी मानले.
No comments:
Post a Comment